3.3    "Ich var mit iuwern hulden, harren unde mage. . . "
                                                                                             (Ende des 12.Jhs.)

I        Ich var mit iuwern hulden, herren unde mage: 
         liut unde lant diu müezen saelic sin. 
         es ist unnot daz iemen miner verte vrage: 
         ich sage wol für war die reise min.
   5    mich vience diu Minne und lie mich varn uf mine Sicherheit.
         nu hat si mir enboten bi ir liebe daz ich var.
         ez ist unwendic: ich muoz endelichen dar:
         wie kume ich briche mine triuwe und minen eit!

II       Sich rüemet maneger waz er dur die Minne taete: 
         wa sint diu werc? die rede hoere ich wol. 
         doch saehe ich gerne dazs ir eteslichen baete 
         daz er ir diente als ich ir dienen sol.
   5    ez ist geminnet, der sich dur die Minne eilenden muoz.
         nu seht wies mich uz miner zungen ziuhet über mer. 
         und lebte min her  Salatin und al sin her, 
         dienbraehten mich von Vranken niemer einen fuoz.

III      Ir minnesingaer, iu muoz ofto misselingen: 
         daz iu den schaden tuot daz ist der wan. 
         ich wil mich rüemen, ich mac wol von minne singen, 
         sit mich diu minne hat und ich si han.
   5    daz ich da wil, seht daz wil alse gerne haben mich; 
         so müezt ab ir verliesen under wilen wanes vil: 
         ir ringent umbe liep daz iuwer niht enwil: 
         wan müget ir armen minnen solhe minne als ich?