II     Ich wande ledic sin von solher swaere, 
       do ich daz kriuze in gotes ere nan. 
       ez waer ouch reht deiz herze als ich da waere, 
       wan daz min staetekeit im sin verban.
    5  ich solte sin ze rehte ein lebendic man, 
       ob ez den tumben willen sin verbaere. 
       nu sihe ich wol daz im ist gar unmaere 
       wie ez mir an dem ende süle ergan.

III    Sit ich dich, herze, niht wol mac erwenden,
       dun wellest mich vil trureclichen lan, 
       so bite ich got daz er dich ruoche senden 
       an eine stat da man dich wol enpfa. 
   5  owe wie sol ez armen dir ergan !
       wie torstest eine an solhe not ernenden ? 
       wer sol dir dine sorge helfen enden 
       mit solhen triuwen als ich han getan ?

IV   Nieman darf mir wenden daz zunstaete, 
       ob ich die hazze diech da minnet e. 
       swie vil ich si geflehet oder gebaete, 
       so tuot si rehte als ob sis niht verste. 
   5  mich dunket wie ir wort geliche ge 
       als ez der sumer von Triere taete. 
       ich waer ein gouch, ob ich ir tumpheit haete 
       für guot: ez engeschiht